کابل، د سلواغې ۳۰مه، باختر
په چین کې د افغانستان اسلامي امارت سفیر مولوي بلال کریمي نن له غرمې وروسته د افغانستان سفارت په مقر کې د چينايي ام.سي.سي «MCC» شرکت له وانګ جیچنګ سره وکتل.
په دې کتنه کې د یاد شرکت مشر وانګ جیچنګ د مس عینک معدن د استخراج د قرارداد په تړاو د یو لړ پرمختګونو له امله خوښي وښوده.
ورته مهال مولوي بلال کریمي د مس عینک معدن د استخراج د قرارداد په اړه هیله وښوده، چې یاد قرارداد به د دواړو اړخونو په همکاري له خپلو مندرجاتو سره سم په ښه ډول عملي شي.
په وروستو کې دواړو خواوو د یادې پروژې د پاتي تخنیکي مواردو د حل په اړه د نظرونو تبادله وکړه.
