کابل / د غبرګولي ۲۰ مه / باختر
د کورنيو چارو وزارت سرپرست نن روزګان ته په سفر کې د دغه ولايت امنيتي حالت وڅېړه.
د باختر آژانس د سيمه ييز خبريال د خبر له مخې؛ د کورنيو چارو وزارت سرپرست حيات الله حيات روزګان ته په سفر کې د دغه ولايت له پوځي او امنيتي مسوولينو سره په غونډه کې، د روزګان امنيتي حالت له نږدې وڅېړه او د ښه والي په خاطر يې اړوندو مسوولينو ته لارښوونې وکړې.
د کورنيو چارو وزارت سرپرست د سولې او عامه نظم پر ټينګښت په ټينګار سره وويل چې د پوليسو عمليات د خلکو د غوښتنو د څېړنې لپاره تنظيم شي او له تروريزم سره مبارزه دې په ټول توان سره دوام وکړي.
ختم-ج-ا
