د افغانستان بانک ۱۵ميليونه امریکايي ډالر ليلاموي

کابل، د کب ۱۹مه، باختر

د افغانستان بانک د افغانیو پر وړاندې د ډالرو د ارزښت د کمښت په موخه، د یکشنبې په ورځ د روان کال د کب په ۲۰مه، (۱۵) میلیونه امریکايي ډالره د لیلام په ډول پلوري.

دغه بانک نن باختر آژانس ته د یوې خبرپاڼې په استولو سره، په شرايطو برابر له ټولو صرافانو او تجارتي بانکونو څخه غوښتي، چې په دغو داوطلبيو کې دې ګډون وکړي او د داوطلبۍ ګټونکي یې مکلف کړي چې خپل حسابونه د ورځې تر پايه پورې تصفيه کړي.

په خبرپاڼه کې دغه راز يادونه شوې ده چې د معاملــو قسمي ترسره کول مجاز نه دى او د ليلام ګټونکي دې د خپل ذمت پيسې ټولې يوځاى نغدې او یا هم په حوالــــې سره په ټاکلې موده کې په بانک کې تحويلې کړي.

تر دې وړاندې هم د افغانستان بانک د افغانیو پر وړاندې د ډالرو د ارزښت د کمښت په خاطر ۱۶ میلیونه ډالره وپلورل.

د افغانستان بانک، نن په بازار کې د یوه امریکايي ډالر پر وړاندې د ۷۰.۹۸ افغانیو د تبادلې خبر ورکړی دی.