کابل، د لېندۍ ۲۵ مه، باختر
د بادغیس سیمه ییز چارواکي وایي، د دغه ولایت په بالامرغاب او قادس ولسوالیو او مرکز اړوند یو شمېر ښوونځیو کې زده کوونکو ته د څښاک د پاکو اوبو ۷ پروژې بشپړې او ګټې اخیستنې ته سپارل شوې دي.
د پوهنې ځایي مسولین وایي، د پاکو اوبو دغه سولري سیستمونه د یونیسف په مالي لګښت او د (سي اچ ای) په همکارۍ د ۳۷ میلیونه ۲۴۱ زره ۹۵۷ افغانیو په لګښت جوړ شوي او ۴۸۱۰ تنه زده کوونکي به ترې ګټه واخلي.
د دغو سیستمونو د پرانیستې په غونډه کې د والي مولوي محب الله احسان په ګډون یوشمېر نورو ځایي چارواکو او مسولیونو ګدون کړی وو او د اوبو دغه پروژه یې مهمه بللې ده.
دوی له همکارو موسسو د ورته نورو پروژ د پلې کولو غوښتنه هم کړې.
