کابل، د سلواغې ۵مه، باختر
د میدان وردګو د ښاروالۍ مسوولین په دغه ښار کې د یو سوداګر په مالي ملاتړ د څه باندې یو میلیون افغانیو په لګښت د یوې څلور لارې د جوړولو خبر ورکړی دی.
د میدان ښار ښاروال مولوي عبدالله دروېش باختر آژانس سیمه ییز خبریال ته وویل، چې د ښاري ښکلا په موخه د یو سوداګر په مالي ملاتړ د ۱.۲میلیونه افغانیو په لګښت د مڼې څلور لارې د رغولو چارې بشپړې شوې دي.
یاده دې شي، چې په میدان وردګو کې د ښاروالۍ له لوري ګڼ شمېر پروژې پلې او یا یې چارې عملاً روانې دي.
