کابل، د مرغومې ۱۸ مه، باختر
د سرپل ولایت د مستوفیت ادارې مسوولینو په دغه ولایت کې د ۱۸۸ میلیونه افغانیو عوایدو د راټولولو خبر ورکړی دی.
د سرپل مستوفي د یاد ولایت د عوایدي کمېټې په غونډه کې ویلي چې د روان کال په ۸ میاشتو کې یې ۱۸۸ میلیونه افغانۍ عواید راټول کړي دي.
هغه د عوایدو د زیاتوالي لامل په کارونو کې شفافیت او چټکتیا یاده کړې ده.
ورته مهال د سرپل والي محمد یعقوب عبدالرحمن اکه په دغه غونډه کې د عوایدو په راټولولو هم ټینګار کړی دی.
