کابل_باختر د زمري د مياشتې٨مه
د مالیې وزیر اکلیل حکیمي، پرون د خپل کار په دفتر کې د پلټنې او څارنې د لوی سر پلټوونکى له مرستیال ښاغلي ډانیل چن، د افغانستان د بیا رغاونې لپاره د ځانګړې اداري چارو (SIGAR) له سرپرست ښاغلي چارلس سره وکتل.
د ماليې وزارت د وياند دفتر باختر آژانس ته خبر ورکړ:
په دې کتنه کې دواړو لوریو، په اصلاحاتو، د لا زیات شفافیت په تامینولو، له اداري فساد سره د مبارزې په ستراتېژۍ او یو شمېر نورو اړوندو مسایلو خبرې وکړې.#
