کابل، غبرګولي۱۵، باختر
د پکتیا په مرکز ګردیز ښار کې د ارجال خېلو د کانکریټي سړک د جوړولو کار ګړندی شوی دی.
دغه سړک چې زرګونه متره اوږدوالی لري، لسګونه کلي د ښار له عمومي سړک او د د ګردیز له ښار سره نښلوي.
د ګردېز ښاروالۍ يوه مسوول د باختر آژانس خبريال ته وويل چې د دغه کانکريټي سړک د جوړولو کار ٨٠ سلنه بشپړ شوى او ډېر ژر به ګټې اخيستنې ته وسپارل شي.
د ښار اوسېدونکو د دغه سړک د جوړېدو هرکلی کړی دی.
ع
