کابل، د ثور ۲۶ مه، باختر
د تخار د والي له مطبوعاتي دفتره په خپره شوې خبرپاڼه کې ویل شوي چې پرون مازیګر شاوخوا پنځه بجې د دغه ولایت د چاه آب ولسوالۍ په تخن آباد کلي کې د واده په مراسمو کې د ناپاکو خوړو د خوړلو له امله د زوم په ګډون ۴۰ تنه مسموم شوي دي.
په خبرپاڼه کې ویل شوي چې ټول مسموم شوي کسان در درملنې په موخه د ولسوالۍ مرکزي روغتون ته لېږدول شوي او د ځینو روغتیايي حالت نازک ښودل شوی دی.
خبرپاڼه زیاتوي چې په پېښه کې د لاس لرلو په تور د پخلي کوونکي په ګډون درې تنه نیول شوي او پلټنې ترې پيل شوې دي.
ن/ر
