کابل، د سلواغې ۹ مه، باختر
د افغانستان اسلامي امارت د کابينې ۱۵مه غونډه نن د رئيس الوزراء ملا محمد حسن اخند په مشرۍ نېټه ترسره شوه.
په دغه غونډه کې د کوچیانو (مالدارو) د ستونزو په اړه تفصيلي بحث وشو او د اقتصاد وزارت سرپرست قاري دين محمد حنيف په مشرۍ پلاوي ته دنده وسپارل شوه، چې د ډېرې وچکالۍ ځپلو سیمو کې د دوی ستونزې وڅېړي او وروستی راپور دې د کابينې راتلونکې غونډې ته وړاندې کړي.
د کابينې په ياده غونډه کې همدارنګه د بهرنيو چارو وزارت ته دنده وسپارل شوه، چې په نورو هېوادونو کې د افغان زندانيانو په اړه له اړوندو هېوادونو سره خبرې اترې وکړي او د خلاصون لپاره یې لارې چارې ولټوي.
د يادونې وړ ده، چې په دغه غونډه کې په يو شمېر نورو مهمو موضوعاتو هم خبرې وشوې او په اړه يې لازم تصميمونه ونيول شول.
