په غزني کې دطالبانو د ذکات دراټولولو مسوول ونيول شو .

-کابل باختر د وري  اتمه :
په غزني ولايت کې امنيتي منسوبانو دوسله والو طالبانو يومسوول چې دوى ته عشر او ذګات راټولول پرون  ونيوه .
  دغزني دوالي وياند محمدعارف نوري باختراژانس ته وويل چې ددغه ولايت پوليس هلې ځلې کوي چې ددغو طالبانو نور  غړي هم ونيسي .
ده وويل دطالبانو دغه نيول شوى غړى اعتراف کړى دى چې له پنځه مياشتې راپديخوا په غزني  کې له خلکو څخه  دعشر او ذکات په توګه پيسې راټولولې .
دوسله والو طالبانو  له خوا دعشر او ذکات راټولول  ددغې ډلې تر ځواکمنى لاندې يو معمولي امردى او دمالي  منابع يوه  برخه ېې تامينوي .