کابل/ دلړم ٢٩مه/باختر
يو تن په ننګرهارکې له يوې زياتې اندازې نشه يي توکو سره ونيول شو.
پوليس وايي: له دغه سړي څخه ٣٢٠ کيلوګرامه نشه يي توکي ترلاسه شوي دي.
دغه نشه يي توکي ټاکل شوې وه پاکستان ته ولېږدول شي چې امنيتي ځواکونو يې کشف او ترلاسه کړل.
د ننګرهار پوليسو يو مقام باختر آژانس ته وويل چې نيول شوي سړي په لومړنيو تحقيقاتوکې په ننګرهارکې د نشه يي توکو دقاچاقو پر لسګونو مواردو اعتراف کړى دى.
هغه دغه نشه يي توکي په ماهرانه ډول په يوه ګړندي موټرکې پټ کړي و.
ختم – ج- اکرم
