کابلباختر د غبرګولي دمياشتې ۸ مه
په کندز ولايت کې تېره شپه د وسله والو طالبانو د يوه قوماندان پرقرارګاه د کومانډو دځواکونو په عملياتو کې څو جنګي وسايل له منځه يوړل شول.
د ځانګړو عملياتو د قول اردو مطبوعاتي مسوول عبدالغفار نورستاني باختر آژانس ته وويل چې د دغه ولايت د چاردرې ولسوالۍ په جمعه بازار سيمه کې د قوماندان سيد اکبر پرقرارګاه د کومانډويانو عمليات په بريالي توګه ترسره شول چې له مله يې ۷۰ پرتلې، د کلاشينکوف زر مرمۍ، درې دوربينونه، د ملي اردو ۱۰ جورې دريشۍ، د پيکا ۳۰۰ مرمۍ، لس جوړه پوځي بوټان، يوه آيکم مخابره، يو هاموی موټر او د بېلابېلو وسلو پرزې او د دښمن دوه ډيپوګانې کشف او له منځه يوړل شوې .
ختم_ فرشته _ اکرم
