کابل باختر دغويي دمياشتې ١٨ نيټه :
په هرات ولايت کې د رايو ورکوونکو د نوم ليکنې د مرکزونو د امنيت په تامينولو ټينګار وشو.
د هرات ولايت امنيه قوماندان جنرال محمدايوب انصاري چې د رايو ورکوونکو د نوم ليکنې يوشمېر مرکزونه کتلي دي د دغو مرکزونو د ستونزو د ليکلو په ترڅ کې د پوليسو د بېلابېلو برخو او د کشفي اواستخباراتي بنسټونو مسوولينو ته يې جدي لارښوونې وکړې.
د هرات ولايت امنيه قوماندان د نوم ليکنې په پروګرام او په انتخاباتو کې ګډون ډير مهم او اغيزمن وبلل او ويې ويل ؛ د ټولنې هر وګړى مسووليت لري چې؛ د هېواد په وړاندې خپل پور ادا کړي او له شک پرته د نوم ليکنې په بهير او د انتخاباتو په ورځ د رايي ورکولو په بهيرکې ګډون کولاى شي دغه ملي او هېوادنى پورادا کړي.
جنرال انصاري د دغو مرکزونو له مسوولينو څخه وغوښتل چې؛ دکومې پېښې او يا د مشکوکو کسانو او حرکاتو دکتنې په صورت کې دې د سيمې د پوليسو نږدې مرکز ته اويا ١١٩ شمېرې له لارې خبر ورکړي څو د احتمالي پيښې مخه ونيول شي. پاى؛ج ذ
