کابل / د زمري لومړۍ / باختر
د ننګرهارامنیتي ځواکونه وايي چې یوسړی د انسان تښتوونکوله منګولوڅخه وژغوره.
مدثر۵۰ ورخې مخکې له جلال آباد ښارڅخه تښتول شوی و او پرون ناوخته د یولړعملیاتوپه پایله کې د شینوارۍ ولسوالۍ په مربوطاتوکې وژغورل شو.
انسان تښتوونکو د ده د آزادولو په بدل کې له کورنۍ څخه یې ۳۰۰ زره ډالره غوښتې وو.
د ننګرهارد والي ویاند عطاالله خوږياڼي باخترآژانس ته وویل چې انسان تښتوونکو مدثریې وهلی او ډبولی و او لاسونه او پښې یې په ځنځيرسره تړلي وو.
ویل کېږي انسان تښتوونکو د امنیتي ځواکونوپه عملیاتوکې تښتېدلي دي او د دوی د پېژندنې او نیولولپاره د پولیسو هلې ځلې دوام لري.
-ع
