نړۍ، د غوايي ۴مه، باختر
وروسته تر هغې چې پرون دوشنبې د اسرایلي پوځ د اطلاعاتو مشر اهارون حالیوا له دندې استعفا وکړه، د اسرایلو یدیعوت احارنوت ورځپاڼې خبر ورکړی، چې د اسرایلي پوځ د مرکزي سیمو د قطعاتو قومندان یهودا فاکس هم له دندې استعفا کوي.
ورځپاڼه زیاتوي، چې یهودا د پوځ مشر ته په یو لیک کې لیکلي، چې د روان کال د اګست د میاشتې له لومړۍ نېټې پوځ کې خپلې دندې ته دوام نه شي ورکولی.
ورځپاڼې د ځینو سرچینو له قوله ویلي، چې د دغو پوځي چارواکو د استعفا لامل د فلسطیني جهادي ډلو په مقابل کې ماتې بلل کیږي.
اسرایلو کې د نتانیاهو سیاسي مخالفینو بیا د دغو چارواکو له استعفا څخه هرکلی کړی او دا یې د ماتې نښې نښانې بللې دي.
د اپوزیسیون مشر یاییر لاپید له نتانیاهو غوښتي، چې نوموړی هم استعفا وکړي.
