نړۍ، د غوايي ۱۸مه، بهرنۍ رسنۍ
غزه کې پر رفح ښار د صهیونستي پوځ عملیات پیل شوي او د نن ورځې له سهار راهیسې یې څو ځایه هوایي بریدونه کړي او دغه راز یې د ځمکني پوځ ټنکونه هم د ښار له پولو اوښتي او دننه ورغلي دي.
د دغو عملیاتو له پیل سره سم تر لسو ډېر فلسطینیان شهیدان، یو شمېر نور ټپیان او ګڼ شمېر نور بیا د دغه ښار د پرېښودو په حال کې دي.
ورته وخت کې د چین د بهرنیو چارو وزارت یو ویاند لین جین پر اسرایلو غږ کړی، چې د نړۍ خبرو ته غوږ کیږدي او پر رفح ښار پوځي بریدونه ونکړي.
نوموړي ټینګار کړی، چئ سیمه کې باید د یو انساني فاجعې څخه مخنیوی وشي.
