کا بل باختر د چنګاښ نهه ويشتمه :
د هېواد په يوشمېر ولايتونوکې دامنيتي ځواکونو دپرونيو ګډو پوځي عملياتو په بهير کې د دښمن دمهماتو يوه ډيپو او يو پټنځى له منځه يوړل شول .
دملي دفاع وزارت مطبوعاتي دفترباختراژانس ته خبرورکړ چې؛ دغه عمليات د هېوادوالو د سراو مال د ساتنې او د ډآر اچوونکو د ځپلو په مقصد د ننګرهار ، غزني ، پکتيکا ، روزګان ، زابل ، فراه ، بادغيس ، فارياب ، او دکندز د ولايتونو په مربوطاتو کې ترسره شول .
د دغو ګډو پوځي عملياتو په پايله کې دغه راز د دښمن درې هاموې ډوله زغره وال وسايط ، يو لکسس ډوله موټر يو کلاشينکوف او نور جنګي تجهيزات په عملياتو کې دشاملو ځواکونولاس ته ورغلي دي .
دغه راز په چاوديدونکو توکو بار يو موټر د دفاعي او امنيتي ځواکونو له خوا کشف او د استوګنې له ساحې څخه لرې چول شوى دى .
په همدې ترتيب د دغو عملياتو په بهير کې دملي اردو د ماين پاکولو ټيمونو په ګڼ ميشتو لارو کې د مخالفينو له خوا دوه ديرش ځاى پرځاى کړاى شوي ماينونه کشف او شنډ کړي دي .
ختم_ عطاالله +_ اکرم
