کابل باختر دثور دمياشتې ٢٢ :
د هېواد په بېلابېلو برخوکې د امنيتي ځواکونو په ګډو عملياتوکې د١٢ تنه ډار اچونکي ووژل شول .
د ملي دفاع وزارت مطبوعاتي دفتر باختر آژانس ته خبر ورکړ:
د هېواد دفاعي او امنيتي ځواکونو د هوايي او توپچي قوتونو په ملاتړ د تخار ولايت د درقد، د ميدان وردګو ولايت د سيدآباد او د روزګان ولايت د دهراوود د ولسواليو او د بلخ، زابل، هرات، جوزجان، بغلان او د هلمند د ولايتونو په مربوطاتوکې يرغليز او چاڼيز عمليات ترسره کړل چې له امله يې ١٢ تنه ډار اچوونکي طالبان ووژل شول او ٥ تنه نور يې ټپيان شول.
په دغو عملياتوکې ٧ تنه له تروريستانو سره د اړيکو د لرلو په تور نيول شوي او يوه اندازه وسله او د درندو وسلو مهمات، ٧ کيلوګرامه چاوديدونکي توکي، نيمه بورۍ ساچمې او٦٠ منه اپين په عملياتوکې د شاملو ځواکونولاسته ورغلي او د وسايطو ضد ٤ ماينونه کشف او شنډ کړاى شوي دي.
د يوبل خبرله مخې:
د ملي اردو يو سرتيرى د امنيتي دندو په بهيرکې په سړک کې د ښخ کړاى شوي ماين د چاودنې له امله شهيد شوى دى.
