کابل باختر د وري شپږمه :
دوه تنه ملکي وګړي په ننګرهار ولايت کې د ماين د چاودنې له امله ووژل شول او څلور تنه نور ټپيان شول .
بم د خوږياڼيو ولسوالۍ دچمتلې په ښارګوټې کې په يوه لاسي کراچۍ کې ځاى پرځاى شوي و چې د ملکي وګړو دتګ راتګ په وخت کې وچاوديد .
د ننګرهار د والي وياند عطاالله خوږياڼي باختراژانس ته وويل چې په دې چاودنه کې دوه تنه ملکي وګړي ووژل شول او څلور تنه نور ټپيان شول .
تراوسه پورې د دغې چاودنې مسووليت چاپه غاړه نه دى اخستى خو يوشمېر خبرځايونه وسله وال طالبان د دغه ماين د ځاى پرځاى کولو عاملين بولي .
ختم_ ج _ اکرم
