په کندز کې څو کلي له طالبانو پاک شول

کابل /دسلواغې ١٠مه /باختر
په کندز کې  پوځيانو  څو کلي  تېره شپه  له وسله والو طالبانو پاک کړل .
  د  ٢١٧ پامير قول اردو  د مطبوعاتي دفتر مسوول هادي جمال باختراژانس ته وويل  چې د کندز ښار  د اتمې ناحيې په مربوطاتو کې د امنيتي او دفاعي ځواکونو په عملياتو کې  د لودين، خواجه غلطان، پل مومن او د نو اباد  کلي له وسله  والو طالبانو پاک شول.
هغه زياته کړه، په عملياتو کې د وسله والو طالبانو دوه سنګرونه ويجاړ شوي  او  د هغوى  څو جنګي وسايل هم د پوليسو لاس ته ورغلي دي.
  ختم_ ج – اکرم