کابل_باختردچنګاښ٤مه:
د افغانستان جمهوررئیس حامدکرزي د اقتصاد، مالیې او فواید عامې له وزیرانو سره په کتنه کې هغوی ته لارښوونه وکړه چې ډیر ژر دې د سالنګونو د لویی لارې د بیا رغونې چارې پیل کړي.
د جمهور رييس د ويندوى دفترباخترآژانس ته خبرورکړ:
په دې کتنه کې چې نن سهار په ارګ کې ترسره شوه، حامدکرزي د سالنګونو د اساسي بیا رغونې په اړه د فواید عامې د وزیر د توضیحاتو له اوریدو وروسته لارښوونه وکړه چې د دغې پروژې د بشپړولو لپاره دې مالي سرچیني پیدا او ډير ژر دې د دغې لویې لارې د ترمیم کار په عملي ډول پیل شي.#
