کابل باختر دچنګاښ څلورمه :
يوه ډله وسله وال طالبان دهرات ولايت په ګذرې ولسوالۍ کې دپوليسو له ليکو سره يوځاى شول .
دغې ډلې چې دغلام دستګير تر نظر لاندې دهرات ولايت دګذرې ولسوالۍ په مربوطاتو کې غير قانوني فعاليتونه کول ژمنه کړې ده چې له دې وروسته دامنيت په تامينولو کې له امنيتي ځواکونو سره همکاري کوي .
دپوليسو مسوولين وايي چې ددغې ډلې څلورو تنو افرادو خپله وسله هم پوليسو ته سپارلې ده چې يوه پيکا ، يوه تومانچه او څلور کلاشينکوفونه پکې دي .
