کابل باختر د زمري اتمه :
شپږ تنه وسله وال طالبان پرون په کندز ولايت کې ووژل شول .
د ٢٠٩ شاهين قول اردو دمطبوعاتو مسوول جګړن نصرت الله جمشيدي باختراژانس ته وويل چې دغه مخالفان دکندز ولايت دخان اباد او ددشت ارچي ولسوالۍ په پل مومن ساحه کې دافغان پوځيانو په هوايي عملياتو کې ووژل شول .
جمشيدي زياته کړه چې په دغو بريدونوکې دولس تنه نور مخالفان ټپيان شول .
ده زياته کړه چې دغه راز ددښمن دوه قرارګاوې له دريو ليږدونکو واسطو سره ويجاړې شوې دي .
