کابل، د غبرګولي ٤ مه، باختر
د يوناما دفتر رييسې د هرات د اطلاعاتو او فرهنګ له رييس مولانا نعيم الحق حقاني سره په کتنه کې وويل چې دغه سازمان په هرات کې د ښځو د ملاتړ او هغوى ته د کار موندنې او په اقتصادي برخه کې د رسنيو د ملاتړ په ګډون په بېلابېلو برخو کې همکاري ته چمتو دى.
د يوناما دفتر رييسې آرزو په دې کتنه کې د خپل دفتر د فعاليتونو يو ليست د اطلاعاتو او فرهنګ رئيس ته وسپاره او ټينګار يې وکړ چې د يوناما دفتر د هرات د اطلاعاتو او فرهنګ رياست په همکارۍ او سلامشورو په بېلابېلو برخو کې يو لړ ملاتړيز پروګرامونه ترلاس لاندې لري.
د يوناما دفتر رييسې د اطلاعاتو او فرهنګ رياست له خوا د خبريالانو کميټې د جوړولو او د خبريالانو د ملاتړ قدرداني وکړه او ويې ويل چې ياد دفتر رسنيو ته په نږدې راتلوونکي کې يو لړ ملاتړيز پروګرامونه عملي کوي.
په همدې حال کې د هرات د اطلاعاتو او فرهنګ رييس مولانا نعيم الحق حقاني په هرات کې د يوناما دفتر د اغيزمنو فعاليتونو د قدردانۍ په ترڅ کې وايي، چې د اطلاعاتو او فرهنګ رياست د هرات خلکو او د هرات ولايت لپاره د هر راز ګټورو پروګرامونو ملاتړ کوي.
حقاني وايي چې د هرات د اطلاعاتو او فرهنګ رياست له ملي اونړيوالو رسنيو سره ښه تعامل لري او له هغوی سره همکاري کوي او دغه همکاري به په راتلونکي کې هم دوام وکړي.
د هرات د اطلاعاتو او فرهنګ رييس وايي چې د سوداګرو ښځو د فعاليتونو د پراختيا په برخه کې هم د اطلاعاتو او فرهنګ رياست اغيزمن کارونه ترسره کړي دي.
مولانا حقاني له ميرمن هتاکوي څخه وغوښتل چې د يوناما دفتر دې د موسسو د مرستو د وېشلو څارنه وکړي او دوی دې وهڅوي چې خپلې مرستې زياتي کړي
مولانا نعيم الحق حقاني دغه راز له ميرمن آرزو هتاکوي څخه وغوښتل چې بهرنيو سيلانيانو ته یې د هرات د لرغونو ساحو او لرغونو اثارو د معرفي کولو زمينه برابره کړې ده.
\ ج