کابل باختر دزمري شپاړلسمه :
دجمهوري رياست لومړي مرستيال ستر جنرال عبدالرشيد دوستم نن داجراييه رياست له دويم مرستيال محمد محقق سره وکتل او له سرغړونې پرته دانتخاباتو د ترسره کولو په باب يې خبرې وکړې .
دجمهوري رياست مطبوعاتي دفتر باختراژانس ته خبرورکړ. ددغو خبرو اصلي محور دامنيتي حالت دڅرنګوالي څيړنه دشفافو او عادلانه انتخاباتو ترسره کول او په هېواد کې دروانو سياسي حالاتو څيړل و .
دواړو لورو په دې کتنه کې په خپل وخت او له سرغړونو څخه پرته دانتخاباتو ترسره کول يې په هېوادکې دحالت دښه والي لپاره مهم او ارزښتناک وبلل .
دوى ټينګار وکړ چې ټول بايد په دې ملي بهير کې ګډون وکړي
په همدې موخه دې هڅه وشي چې دخلکو ترمنځ دانتخاباتو چارې زيات سمون ومومي .
ختم_ عطاالله _ اکرم
