کابل باختر د لړم اتمه :
په سرپل کې دبريښنا ددوو ترانسفارمرونو په پرانستلو سره دامير علي شير نوايي پوهنتون او دهغه شاوخوا کورنيو له بريښنا څخه ګټه واخسته .
دباختراژانس دسيمه ئيز خبريال دخبرله مخې ، دغه ترانسفارمرونه چې ديوسلو شپيتو کيلوواټو بريښنا ظرفيت لري د امير علي شيرنوايي پوهنتون په روښانولو برسيره په سرپل ښار کې دوه سوه پنځوس کورنى هم له بريښنا څخه ګټه اخلي .
دسرپل دبريښنا شرکت رييس وويل چې دغه ترانسفارمرونه دافغانستان له پرمختيايي بودجې څخه د ديرشو مليونو افغانيو په لګښت ددغه ولايت په مرکز توغي ښار کې دامير علي شيرنوايي پوهنتون په انګړ کې مونتاژ او درول شوي دي .
دسرپل ولايت مرستيال عبدالمالک عظيمي ددغو ترانسفارمرونو دپرانستلو په وخت کې وويل چې بريښنا په خپلې روښنايي برسيره خلک دترقي او پرمختګ په لور بيايي .
دسرپل دبريښنا شرکت رياست مسوولانو په سرپل ښار کې د خارکش په کلي او دترکانى په بلاک کې دبريښنا دتمديد دکار دپيل خبرهم ورکړ .
ختم_ ف _ اکرم
