کابل /دکب ٩مه / باختر
دکب مياشتې د نهمې د هېواد دامنيتي اودفاعي ځواکونو دملي ورځې په درناوي په بلخ کې د ورزشکارو نجونودځغاستې سيالي وشوه .
د باختراژانس دخبرله مخې، د ځغاستې دغه سيالي دکب مياشتې د نهمې د هېواد دامنيتي اودفاعي ځواکونو دملي ورځې په درناوي ٢٥ ورزشکارو نجونو ترمنځ په مزارشريف ښار کې د دوو کيلومترو په واټن ترسره شوه .
په دې سيالي کې معصومې رضايي لومړى مقام وګاټه .
رضايي د هېواد له امنيتي او دفاعي ځواکونو څخه مننه وکړه او ويې ويل چې دغه ځواکونه دخلکو دسراو مال د امنيت تامينولو لپاره سرښندنې کوي .
هغې دغه راز د دغه شان سياليو ترسره کول دنجونو دورزشي استعدادونو په وده کې ارزښتناک وبلل .
ختم_ عطاالله_ اکرم
