بازارک /دکب۱۴/ باختر
په پنجشېر کې نن د ښځې نړیواله ورځ ونمانځل شوه .
د باختر آژانس د خبر له مخې، د دغې ورځې په ویاړ غونډه کې د پنجشېر د والي مرستیال محمد امین صدیقي وویل: ښځې د ټولنې نیمایي برخه ده او د دوی رول د ټولنې په پرمختګ او سمسورتیا کې اغېزمنه ده .
په دې غونډه کې د پنجشېر د ښځو د چارو رییسې خاطرې شېخاني خبرې وکړې او ويې ویل چې په پنجشېر کې د تاوتریخوالي کچه دهېواد د نورو ولایتونو په پرتله کمه ده او هیله یې څرګنده کړه چې په دغه ولایت کې د ښځو پر خلاف د تاوتریخوالي پېښې صفر ته ورسېږي .
په دې غونډه کې وینا والو د ښځې د نړیوالې ورځې په اړوند خبرې وکړې او دغه ورځ یې دهېواد ټولو ښځو ته مبارکي وویله .
په پای کې د دغه ولایت د ښځو د هنري انځورګرۍ او لاسی صنایع نندارتون جوړ شوی و ، نندارې ته وړاندې شو .
پای شکریه
