کابل، د وری لومړۍ نېټه، باختر
په خوست کې د رمضان جام په نوم د فوټبال شپنۍ سیالۍ د ۴۰ لوبډلو تر منځ پيل شوې دي.
د ياد ولایت د فوټبال فدراسیون مشر ریبار هڅاند د باختر آژانس سيمه ييز خبريال ته ویلي چې په ياد ولایت کې د رمضان جام شپنۍ سيالۍ د ۴۰ لوبډلو ترمنځ پيل شوي او لومړۍ لوبه د لټک شاهین او بریال لوبډلو ترمنځ ترسره شوه، چې لټک شاهین مقابلې لوبډلې ته د ۵-۱ ګولو په وهلو سره بریا خپله کړه.
هڅاند د یادو سیالیو موخه د لوبغاړو ترمنځ یووالی او د تمرین زمینې برابرول ښودلي.
