کابل، د لېندۍ ۳۰ مه، باختر
د کندهار د کلیو بیا رغونې او پراختیا ریاست مسوولین وايي، چې د یاد ولایت په شاه ولیکوټ ولسوالۍ کې پر ۲۰ کیلو متره سړک د کرېړ اچولو چارې بشپړې شوې دي.
د یاد ولایت د کلیو بیا رغونې او پراختیا ریاست ترچتر لاندې د یونپس موسسې په مالي ملاتړ د ۱۴ میلیونه افغانیو په لګښت په لوړ شاه ولیکوټ ولسوالۍ کې د زنتو ۲۰ کیلومتره سړک چې ۶ متره پلنوالی او ۱۵ سانتي متره سور لري جوړ او ګټې اخیستنې ته وسپارل شو.
