کابل(بی این اے) ایک بھارتی سیاح ڈاکٹر راج سائیکل پر ہرات پہنچ گیا۔ اس دوران انہوں نے محکمہ اطلاعات و ثقافت کے حکام سے ملاقات بھی کی۔
ڈاکٹر راج نے ملاقات میں کہا کہ وہ سائیکل پر افغانستان کے دیگر صوبوں کی سیر کرنا چاہتے ہیں۔
اسی دوران ہرات کے محکمہ اطلاعات و ثقافت کے سیاحت کے سربراہ مولوی رحمت اللہ محمدی نے کہا کہ غیر ملکی سیاح صوبے کے تاریخی مقامات کی بلا خوف و خطر سیر کر سکتے ہیں۔
انہوں نے مزید کہا کہ ہم غیر ملکی سیاحوں کو تمام ضروری سہولیات فراہم کررہے ہیں۔
یاد رہے کہ اس سے قبل چینی اور جرمن سیاح بھی سائیکل پر ہرات کی سیر کر چکے ہیں۔
