کابل (بی این اے) وزیر داخلہ خلیفہ سراج الدین حقانی نے جمہوریہ آذربائیجان کے سفیر الہام محمدوف سے ملاقات میں دونوں ممالک کے درمیان تعلقات کے فروغ کی امید کا اظہار کیا۔
وزارت داخلہ کے پریس آفس نے آج یہ خبر شائع کرتے ہوئے کہا ہے کہ
اس ملاقات میں سراج الدین حقانی نے کابل میں جمہوریہ آذربائیجان کے سفارت خانے کے افتتاح کو سراہتے ہوئے دونوں ممالک کے مذہبی، سیاسی اور ثقافتی تعلقات کا ذکر کیا اور اس میں ترقی کی امید ظاہر کی۔
محمدوف نے کابل میں آذربائیجانی سفارت خانے کے کھلنے کو دونوں ممالک کے درمیان ایک تاریخی قدم قرار دیا۔
انہوں نے کہا کہ دونوں ممالک میں مذہبی اور ثقافتی معاملات میں بہت کچھ مشترک ہے۔
محمدوف نے سیکیورٹی اور منشیات کے خاتمے کو افغانستان کی بڑی کامیابیوں میں سے ایک قرار دیا اور اس سلسلے میں امارت اسلامیہ کی کوششوں کو سراہا۔
