يو ويشت تنه طالبان ونيول شول او وسلې او مهمات ترلاسه شول

دملي اردو ځواکونو په تيرو څلور ويشتو ساعتونو کې ددولت يو ويشت تنه مخالفين ونيول او يوه اندازه وسلې او مهمات يې ترلاسه کړل

دملي دفاع و زارت مطبوعاتي دفتر دباختر اطلاعاتي اژانس ته خبر ورکړ دغه عمليات د زابل ، کونړ، ننګر هار او هلمند د ولايتونو په مربوطاتو کې ترسره شول چې له ا مله يي يو ويشت تنه وسله وال مخالفين ونيول شول او دغه راز يوولس ميله وسلې ، څوارلس ماينونه ،دوه سوه پټاقي ،شپږ پنځوس کيلو باروت ، پنځه ديرش کيلو چاوديدونکې توکې او لس بوري چرس هم د ملي اردو دځواکونو لاس ته ورغلي دي