کابل باختر د زمري پنځه ويشتمه :
دبدخشان دتګاب ولسوالۍ نن دوسله والو طالبانو له شتون څخه پاکه شوه .
د ٢٠٩ شاهين قول اردو دمطبوعاتو دامريت مرستيال جګړن نصرت الله جمشيدي دباختراژانس خبريال ته وويل دامنيتي او دفاعي ځواکونوچاڼيز عمليات چې څه موده مخکې ددغه ولايت دتګاب په ولسوالۍ کې پيل شول او اوس دغه ولسوالۍ د ډار اچوونکو طالبانو له شتون څخه پاک کړى شو .
ده وويل په دغو عملياتو کې ٤٠ تنه وسله وال طالبان ووژل شول ٢٢ تنه ټپيان او درې تنه يې اسيران شول . چې ددښمن يوه اندازه جنګي وسايل هم دامنيتي او دفاعي ځواکونولاس ته ورغلي دي .
