په پکتیا کې دوه تنه طالبان ووژل شول

ګردیز باختر د تلې ۳ مه د پکتیا ولایت د زرملې ولسوالۍ په پاټکه سیمه کې دوه تنه وسله وال طالبان ووژل شول. امنیتي مسوولین وايي چې دغه وسله وال طالبان نن سهار د بې پیلوټه الوتکې په برید کې وژل شوي دي. د پکتیا د امنیې قوماندانۍ ویاند سردار ولي تبسم د باختر اژانس سیمه ېیز خبریال ته د پېښې پخلی وکړ او زیاته یې کړه چې په ترسره شوي برید کې ملکي وګړو ته زیان نه دی اوښتی. پای/وصال