کابل ۷ حوت باختر
کان و پترولیم وزیرلیگی نینگ سرپرست وزیری کاپیس چینی شرکتی نینگ عمومی باشلیغی بیلن اوچرهشوویده تاغ-کان لایحهسی نینگ شفّافلیگینی، ایکّی اولچاولی و اوچ اولچاولی تدقیقات بولیملریده و افغان متخصصلری و خادملرینی جلب قیلیشنی تأکیدلهدی.
کان و پترولیم وزیرلیگی مطبوعات خدمتی معلوم قیلیشیچه، شیخ الحدیث شهابالدین دلاور کان و پترولیم وزیرلیگی نینگ سرپرست وزیری قشقریدهگی کانیده نفت قازیب آلیش اوچون مسوول کاپیس و افچین چینی شرکتلری عمومی باشلیغی بیلن بیرگه بولگن، و باشقرمه باشلیغی مولوی احمد جان بلال اشتراک ایتدی. افغانستان اسلام امیرلیگی دولت شرکتلری وکیللری اوچرهشیب، آمودریا لایحهسی نینگ باریشی، ایریشیلگن یوتوقلری و فعالیتی یوزهسیدن فکر المشدیلر.
«کاپیس» شرکتی نینگ عمومی باشلیغی اوتگن ییلگی فعالیت و ایریشیلگن یوتوقلر حقیده گپیریب، کانچیلیک، قودوقلرنی بورغولش و باشقه تخنیکی مسألهلر کبی ایش ریجه و دستورلری حقیده معلومات بیردی.
اوشبو ییغیلیشده کان و پترولیم وزیرلیگی نینگ سرپرست وزیری قازیب آلیش لایحهسی نینگ شفّافلیگی، ۲ اولچاولی و ۳ اولچاولی تدقیقات بولیمی و شرطنامهنی اوز ایچیگه آلگن باشقه مسألهلرگه اورغو بیردی، شونینگدیک، افغان متخصصلری و خادملرینی جلب قیلیشگه علیحده اورغو بیردی. و امیرلیک هر قندهی ضرور همکارلیکنی وعده قیلدی.