کابل، ۶ تار بختر
باش وزیرلیک ادارهسی نینگ اقتصادی اورینباسری ایران نینگ کابلدهگی ایلچیسی بیلن اوچرهشوویده افغان محصولاتلرینی ایران آرقهلی اروپا دولتلریگه ترانزیت قیلیشده کوپراق قولهیلیکلر یرهتیشگه چقیردی.
باش وزیرلیک ادارهسی نینگ اقتصاد بوییچه اورینباسری اوز اخبارات نامهسیده شوندهی یازگن: ملا عبدالغنی برادر آخوند ایران جمهور رئیسی نینگ افغانستان بوییچه مخصوص وکیلی و اوشبو مملکت ایلچیسی حسن کاظمی قُمی بیلن اوچرهشگنینی یازدی.
سوو و انرژی وزیرلیگی نینگ سرپرست وزیری ملا عبداللطیف منصور، ایکینچیلیک، ییرلرنی سوغاریش و چارواچیلیک وزیرلیگی نینگ سرپرست وزیری مولوی عطاءالله عمری، اخبارات و مدنیت وزیرلیگی نینگ سرپرست وزیری ملا خیرالله خیرخواه و ملا فضل محمد حقانی، افغانستان نینگ تهراندهگی ایلچیسی هم حاضر اشتراک ایتکن، سیاسی مناسبتلرنی مستحکملش، اقتصادی، سودا-ترانزیت و تورلی ساحهلردهگی ایکّی تامانلهمه همکارلیک مسألهلری بحث قیلینگن.
باش وزیرلیک ادارهسی نینگ اقتصادی بوییچه اورینباسری ملا عبدالغنی برادر آخوند افغانستان و ایران اورتهسیدهگی مناسبتلرنی یخشیراق و ایجابی دیب بهالهدی و مناسبتلرنی رواجلنتیریش یولیده ایکّی دولت هم همکارلیک قیلیشی کیرهکلیگینی ایتدی.
ملا برادر آخوند نینگ قوشیمچه قیلیشیچه، بو ییل الله نینگ مرحمتی بیلن یاغینگرچیلیک درجهسی کوپ بولگن، نتیجهده بیر نیچه ییللیک قورغاقچیلیکدن سونگ هلمند دینگیزی سووی نیمروز ولایتی بیلن ایران نینگ سيستان ولایتیگه ییتیب کیلگن و بو کوپچیلیکنی حل قیلیشگه یاردم بیرهدی.
باش وزیرلیک ادارهسی نینگ اقتصادی بوییچه اورینباسری افغانستان محصولاتلرینی ایران آرقهلی اروپا دولتلریگه ترانزیت قیلیشده کوپراق قولهیلیکلر یرهتیشگه چقیردی و بونی ایکّی دولت اورتهسیدهگی ترانزیت و سودا درجهسینی آشیریش اوچون بنیادی قدم دیب اتهدی.
ملا عبدالغنی برادرآخوند، شونینگدیک، ایرانگه تشریفی یکونلری بوییچه هر ایکّی دولت تخنیکی کمیتهلری همکارلیک قیلیب، تورلی ساحهلرده یخشی نتیجهلرگه ایریشگنینی بیلدیردی.
ایران جمهور رئیسی نینگ افغانستان بوییچه مخصوص وکیلی و ایران نینگ کابلدهگی ایلچیسی حسن کاظمی قُمی هلمند دینگیزیدن ایران نینگ سیستانیگه سوو کیلیشیدن ممنونلیگینی بیلدیردی و ایران – افغانستان بیلن بانک معمالرینی حل قیلیشده همکارلیک قیلیشگه تیارلیگینی بیلدیردی. سوداگرلر نینگ معمالری، اطراف-محیطنی محافظه قیلیش اوچون بیرگهلیکده کورهشیش، افغانستان نینگ ایران آرقهلی سودا و ترانزیت درجهسینی آشیریش.
بو اوچرهشووده ملا عبدالغنی برادر آخوند ایرانده یشهیاتگن افغان قاچقینلری نینگ معمالریگه توختهلیب، افغان قاچقینلرینی بو دولتدن مجبوراً دیپورت قیلیشنی توختهتیشنی طلب قیلدی.