کابل، ۶ ثور باختر
افغانستان اسلام امیرلیگی مطبوعات کاتبی مولوی ذبیح الله مجاهد کوپ سانلی دیپلوماتیک وکیللر و خارجی هیئتلر نینگ مملکتگه تشریفی حقیده شونده‌ی دیدی: افغانستان هم سیاسی، هم اقتصادی جهتدن یوکسه‌لیش قدملرینی تشله‌ماقده.
مجاهد اوزی نینگ ایکس صحیفه‌سیده «یقینده مملکت پایتختی کوپلب دیپلوماتیک وکیللر و خارجی هیئتلر نینگ تشریفیگه گواه بولدی.» عینِ پیتده اسلام همکارلیک تشکیلاتی دیپوتاتی و اونگه همراهلیک قیله‌یاتگن هیئت همده روسيه، مالیزیا، قزاقستان، تورکمنستان و اروپا اتفاقی دیپلوماتلری نینگ اسلام امیرلیگی رسميلری بیلن تشریفی مهم اهمیتگه ایگه.
او قوشیمچه قیلدی، «افغانستان هیئتی نینگ اوزبیکستان نینگ ترمز شهریده بولیب اوتگن مهم ییغیلیشده ترانسپورت و هوایی وزیرلیگی نینگ سرپرست وزیری ملا حمیدالله آخوندزاده رئیسلیگیده‌گی اشتراکی اسلام امیرلیگی نینگ کینگ اعتراف ایتیلگنیدن، او بیلن علاقه‌لر موجودلیگیدن دلالت بیره‌دی.
اونگه کوره؛ قید ایتیلگن علاقه‌لر کوندن-کونگه کینگه‌ییب، ثمره‌دارلیگی آرتیب بارماقده.
اونگه کوره؛ بو سعی-حرکتلر دیپلوماتیک تیزیم، عموماً، اسلام امیرلیگی اورته‌سیده‌گی هر تامانله‌مه مناسبتلرنی تأمینلش باره‌سیده‌گی فعاللیگیدن دلالتدیر و بو اوچره‌شوولر، مهم تشریفلر افغانستان اوچون اقتصادی ساحه‌ده یخشی ثمره‌لر بیرماقده.
مولوی ذبیح الله مجاهد شونده‌ی دیدی: «بعضی آدملر نینگ افغانستان یکّه‌لنیب قالگن، اونینگ اقتصادیاتی یامانلشه‌یاتگنی و باشقه دولتلر بیلن علاقه‌لرینی تأمینلب بولمه‌یدی، دیگن فکری، بولر نینگ برچه‌سی ناتوغری ایکنلیگی اثباتلنگن. ایندی افغانستان هم سیاسی، هم اقتصادی جهتدن یوکسه‌لیش قدملرینی تشله‌یاتگنی و بو سعی-حرکتلر ینه‌ده کوپه‌ییب، تیزلشیشی معلوم بوله‌دی».
