کابل ۶ ثور باختر
خلقارا قیزیل خاچ و قیزیل یریم آی فدراسیونسی نینگ آسیا-تینچ اقیانوسی منطقهسی بولیمی باشلیغی بیلن اوچرهشوویده باش وزیرلیک ادارهسی نینگ سیاسی اورینباسری افغانستانده تولیق خوفسیزلیکنی تأمینلش آرقهلی انسانپرورلیک و ساغلیقنی سقلش ساحهسیدهگی فعالیت اوچون یخشی پلاتفورم یرهتیلگنینی تأکیدلهدی.
ارگ اخبارات نامهسیده باش وزیرلیک ادارهسی نینگ سیاسی اورینباسری مولوی عبدالکبیر خلقارا قیزیل خاچ و قیزیل یریم آی جمعیتلری فدراسیونی نینگ آسیا تینچ اقیانوسی ادارهسی رهبری جناب الکساندر میتیو و اونگه همراهلر بیلن اوچرهشگنینی یازدی.
اوشبو اوچرهشووده الکساندر میتیو خلقارا قیزیل خاچ و قیزیل یریم آی فدراسیونسی نینگ افغانستان بیلن بشردوستلیک و ساغلیقنی سقلش ساحهلریده یاردمینی دوام ایتتیریشگه وعده بیردی و بو ییل افغانستانگه کورسهتیلهیاتگن یاردم درجهسینی آشیریشگه حرکت قیلیشلرینی ایتدی.
میتیو نینگ قوشیمچه قیلیشیچه، قیزیل خاچ یاردم کورسهتیش بیلن بیرگه افغانستان نینگ تیگیشلی ادارهلری بیلن یخشی علاقهده.
اونگه کوره؛ افغانستانلیک مهاجرلرنی پاکستاندن دیپورت قیلیش نینگ ایکّینچی باسقیچی افغانستاندهگی بشردوستلیک وضعیتگه سلبی تأثیر کورستگن و شو مناسبت بیلن او اوز خواطرینی بیلدیرگن و بو آقیمنی پاکستان رسميلری بیلن توختهتگن.
خلقارا قیزیل خاچ و قیزیل یریم آی فدراسیونسی نینگ آسیا-تینچ اقیانوسی بولیمی باشلیغی هم اسلام امیرلیگی نینگ افغانستان قیزیل یریم آی جمعیتینی قوللب-قوّتلشی دولتلر و دونر تشکیلاتلردن کوپراق یاردم جلب قیلیشی ممکنلیگینی ایتدی.
افغانستان اسلام امیرلیگی باش وزیرلیک ادارهسی نینگ سیاسی اورینباسری مولوی عبدالکبیر هم اوشبو اوچرهشووده افغانستانده تولیق خوفسیزلیک تأمینلنیشی بیلن انسانپرورلیک و ساغلیقنی سقلش ساحهسیدهگی فعالیت اوچون یخشی پلاتفورم یرهتیلگنینی ایتدی.
مولوی عبدالکبیر، قیزیل خاچ نینگ اَیریم ولایتلر کسلخانهلریگه یاردملرینی قیتهدن باشلشنی طلب قیلدی و اسلام امیرلیگی بشردوستلیک یاردم ییتکزیش اوچون یاردم تشکیلاتلری بیلن همکارلیک قیلهیاتگنینی قوشیمچه قیلدی.
باش وزیرلیک ادارهسی نینگ سیاسی اورینباسری قیزیل خاچگه کورستگن یاردمی اوچون منّتدارچیلیک بیلدیرر ایکن، اسلام امیرلیگی خلقارا قیزیل خاچ و افغانستان قیزیل یریم آی جمعیتی نینگ «فایدهلی و خیریه» فعالیتینی قوللب-قوّتلشینی تأکیدلهدی.