کابل ۶ ثور باختر
کان و پترولیم وزیرلیگی نینگ سرپرست وزیری جنوبی آفریقا سرمایه‌دارلری بیلن اوچره‌شوویده افغانستاننی طبيعی ریسورسلرگه بای جای دیب اته‌دی و اولرنی مملکتگه سرمایه کیریتیشگه اونده‌دی.
کان و پترولیم وزیرلیگی مطبوعات خدمتی بوگون بو خبرنی اعلان قیلدی: شیخ الحدیث شهاب‌الدین دلاور، کان و پترولیم وزیرلیگی نینگ سرپرست وزیری وزیری، کابلگه کیلگن جنوبی آفریقالیک بیر قطار عالِملر و ایش بیلرمانلر بیلن اوچره‌شدی.
اوشبو اوچره‌شووده جنوبی آفریقا ایش بیلرمانلری افغانستانگه سرمایه کیریتیش شرایطلری و امکانیتلرینی جوده قوله‌ی دیب حسابله‌دیلر، افغانستان نینگ منرال-خام اشیا ریسورسلریگه سرمایه کیریتیشدن علاقه‌دار ایکنلیکلرینی بیلدیردیلر و کان و پترولیم وزیرلیگیگه سرمایه کیریتیشنی معقوللشده همکارلیک قیلیشنی سوردیلر.
کان و پترولیم وزیرلیگی نینگ سرپرست وزیری افغانستانده منرال، نفت و گاز بایلیکلری موجود و بو لایحه‌لر نینگ بیر قطاری، جمله‌دن، هرات نفت کانی نینگ ۱۱ بلاکی اعلان قیلینیش باسقیچیده ایکنلیگینی معلوم قیلدی.
شونینگدیک، کان و پترولیم وزیرلیگی نینگ سرپرست وزیری جنوبی آفریقالیک سرمایه‌دارلرینی افغانستان نینگ منرال-خام‌اشیا ریسورسلریگه سرمایه کیریتیشگه قیزیققنلرینی قوتلب، اولرگه همکارلیک و ضرور آبعیکتلر یره‌تیشگه وعده بیردی.
