کابل، ۷ ثور، باختر
افغانستان مرکزی بانک باشلیغی هدایت الله بدری ایران اسلام جمهور رئیسی نینگ مخصوص وکیلی و ایران نینگ کابلده‌گی ایلچیسی حسن کاظمی قُمی بیلن اوچره‌شدی.
افغانستان مرکزی بانک مطبوعات نامه‌سیده تأکیدلشیچه، اوشبو اوچره‌شووده ایکّی دولت اورته‌سیده‌گی تجارت و بانک همکارلیگینی رواجلنتیریش مسأله‌لری بحث قیلینگن.
افغانستان مرکزی بانک باشلیغی مملکتلر اورته‌سیده‌گی تجارت و بانک مناسبتلرینی رواجلنتیریشنی قیمتلی دیب اته‌دی و افغانستان بانکی تامانیدن قانونلر و قاعده‌لر اساسیده تولیق همکارلیک قیلیشگه وعده بیردی.
اونینگ سوزلریگه کوره، مملکتلر اورته‌سیده یخشی بانک مناسبتلری موجودلیگی ایش بیلرمانلر اوچون ضرور قولیلیکلر یره‌تماقده و افغانستان مرکزی بانک مملکتده خلق‌ارا ستندردلرده‌گی بانک خدمتلرینی کورسه‌تیش طرفداری.
ایران نینگ کابلده‌گی ایلچیسی هم مسأله یوزه‌سیدن گپیریب، بو باره‌ده همکارلیککه ایشانچ بیلدیردی.
