کابل ۲۸ حمل باختر
تشقی ایشلر وزیرلیگی نینگ سرپرست وزیری افغانستان نینگ خارجده استقامت قیله‌یاتگن قطار علم-فن و مدنیت اربابلری بیلن اوچره‌شوویده اولرنی مملکت رونقی و آبادانلشتیریش یولیده فعال اشتراک ایتیشنی سوردی.
تشقی ایشلر وزیرلیگی مطبوعات خدمتی خبر بیریشیچه، اوشبو وزیرلیک نینگ وزیری مولوی امیرخان متقی اروپا دولتلریده استقامت قیلووچی ۱۲ کیشی افغان علمی و مدنی اربابلری بیلن اوچره‌شیب، اولر بیلن مملکت و باشقه دالزرب مسأله‌لرنی بحث قیلگن و مصلحتلشگن. تیزیم ترقیاتی و افغانلر نینگ بیرلیگی و بایلیگی اوچون قوشیلیشلرینی ایسته‌دی.
تشقی ایشلر وزیرلیگی نینگ سرپرست وزیری شونده‌ی دیدی: افغانستان خلقی تورت یریم دهه اوروش و ایشانچسیزلیکدن سونگ اوزلری آرزو قیلگن اسلامی توزوم، عموم‌انسانی خوفسیزلیک و بخت نینگ برپا ایتیلگنیگه گواه بولماقده.
متقی افغانستان برچه افغانلر نینگ عمومی اویی و هر بیر افغان مملکتنی قَیته تیکلش و افغانستان نینگ ترقیاتی و ترقیاتیگه، اسلامی تیزیم اساسلرینی مستحکملشگه هیچ قنده‌ی تشویشسیز حصه قوشیشی ممکنلیگینی ایتدی.
مذکور اوچره‌شوو اشتراکچیلری خارجی مملکتلرده استقامت قیله‌یاتگن تورلی خلق جماعه‌لری مملکت تیزیمی اوزگریشی و برقرارلیکنی قوللب-قوّتلشینی تأکیدلب، مملکتده‌گی موجود تیزیمنی قوللب-قوّتلشدن باشقه مقابل یول یۉقلیگینی تأکیدله‌دیلر.
ملاقات چاغیده اولر مولوی امیرخان متقی بیلن هم اوز تکلیف و اصلاحات غایه‌لری بیلن اورتاقلشدیلر.
یکونده بونده‌ی اوچره‌شوولرنی دوام ایتتیریش، خارجده استقامت قیله‌یاتگن افغانلر، اینیقسه، قنسوللیک بولیمیده‌گی معمالرنی حل ایتیش تأکیدلندی.
