کابل ۹ ثور باختر
افغانستان اسلام امیرلیگی باش وزیرلیک ادارهسی نینگ اداری اورینباسری مولوی عبدالسلام حنفی افغانستان نینگ ایران اسلام جمهوریتیدهگی ایلچیسی بیلن اوچرهشدی.
ارگ اخبارات نامهسیده یازیلیشیچه، اوشبو اوچرهشووده مولوی فضل محمد حقانی باش وزیرلیک ادارهسی نینگ اداری اورینباسریگه افغانستان نینگ ایران اسلام جمهوریتیدهگی ایلچیخانهسی نینگ وظیفهلری و فعالیتی همده اوشبو مملکتدهگی افغان مهاجرلری نینگ احوالی حقیده معلومات بیرگن. و یخشی مناسبتلر، موافقلشتیریش و حرمت ایکّی دولت اورتهسیده اوزارا مناسبتلر بارلیگینی و بو ایلچیخانه متصدیلری اونی امکان قدر مستحکملش و کینگهیتیریشگه حرکت قیلیشینی ایتدی.
مولوی فضل محمد حقانی اسلام امیرلیگی حکمرانلیگیدن سونگ افغان مهاجرلری، ایش بیلرمانلری و طلبهلری نینگ معمالری تورلی ساحهلرده کوریب چیقیلیب، اولر نینگ باشقه معمالرینی هم امکانیتلر دایرهسیده حل ایتیش بوییچه تیگیشلی چارهلر کوریلهیاتگنینی قوشیمچه قیلدی.
افغانستان نینگ ایراندهگی ایلچیسی، شونینگدیک، اسلام امیرلیگی رسميلریدن ایران اسلام جمهوریتیده یهشاوچی برچه افغانستان فقرالری اوچون کیملیکلری (تذکره) و پاسپورتلرینی ترقهتیش مسألهسیگه علیحده اعتبار قرهتیشینی سوردی.
باش وزیرلیک ادارهسی نینگ اداری اورینباسری مولوی عبدالسلام حنفی هم افغانستان اسلام امیرلیگی نینگ ایراندهگی ایلچیخانهسی فعالیتی و وظیفهلری اوچون اوز منّتدارچیلیگینی بیلدیردی.
باش وزیرلیک ادارهسی نینگ اداری اورینباسری، شونینگدیک، افغانستان اسلام امیرلیگی برچه دولتلر، اینیقسه، قوشنی دولتلر بیلن اوزارا حرمت و یخشی مناسبتلرگه اینتیلیشینی تأکیدلهدی.