کابل ۱۰ ثور باختر
باش وزیر اداره‌سی نینگ اداری اورین‌باسرینی ایتیشیچه، افغانستان اسلام امیرلیگی تورلی ساحه‌لرده خلققه خدمت قیلیشنی اوزی نینگ اساسی فرض و بورچلریدن بیری دیب بیله‌دی.
ارگ خبرنامه‌سیده یازیشیچه، باش وزیر اداره‌سی نینگ اداری اورین‌باسری مولوی عبدالسلام حنفی توناون بیر گروه عالِملر، فاریاب، سرپل و جوزجان ولایتلری مجاهدلری، ایتنیک آقسقاللری و بیر قطار مملکت شفاکارلری و ساغلیقنی سقلش متخصصلری بیلن اوچره‌شوویده شونده‌ی بیانات بیرگن.
اوشبو اوچره‌شووده عالِملر، مجاهدلر، ایتنیک آقسقاللری همده مملکت ساغلیقنی سقلش مسأله‌لری بوییچه شفاکارلر و متخصصلر باش وزیر اداره‌سی نینگ اداری اورین‌باسریگه قید ایتیلگن ولایتلر و مملکتده‌گی اجتماعی، خوفسیزلیک، ساغلیقنی سقلش و تعلیم حالتی توغریسیده معلوماتلر تقدیم ایتدیلر.
بوتون مملکت بویلب خوفسیزلیکنی تأمینلش، حاضر آدملر اوزلری نینگ کونده‌لیک ایشلری بیلن خاطرجمعلیک بیلن شغللنیشلرینی و هیچ قنده‌ی خوفسیزلیک تشویشلری یوقلیگینی ایتدی.
اولر افغانستان اسلام امیرلیگی متصدیلریدن رواجلنیش لایحه‌لری، تعلیم و ساغلیقنی سقلش کلینیکلرینی رواجلنتیریشگه علیحده اعتبار قره‌تیشلرینی سوردیلر.
باش وزیر اداره‌سی نینگ اداری اورین‌باسری مولوی عبدالسلام حنفی اسلام امیرلیگی تورلی ساحه‌لرده خلققه خدمت قیلیشنی اوزی نینگ اساسی فرض و بورچلریدن بیری دیب بیلیشینی و بو باره‌ده اوز کوچلرینی ایه‌مسلیگینی تأکیدله‌دی.
باش وزیر اداره‌سی نینگ اداری اورین‌باسری شونینگدیک، افغانستان اسلام امیرلیگی یوقاریده قید ایتیلگن مسأله‌لرگه جدّی یانده‌شیشینی و امکان قدَر ضرور چاره‌لرنی کوریشینی ایتدی.
