کابل (بی این اے) افغان وزیر خارجہ نے بیرون ملک مقیم متعدد افغان علمی و ثقافتی شخصیات سے ملاقات میں کہا کہ وہ ملک کی ترقی اور خوشحالی میں بڑھ چڑھ کر حصہ لیں۔
وزارت خارجہ کے پریس آفس نے اعلان کہا ہے کہ مولوی امیر خان متقی نے یورپی ممالک میں مقیم 12 افغان علمی اور ثقافتی شخصیات سے ملاقات کی اور ان سے ملکی مسائل پر تبادلہ خیال اور مشاورت کی۔
قائم مقام وزیر خارجہ نے کہا: ساڑھے چار دہائیوں کی جنگ اور عدم تحفظ کے بعد افغانستان کے عوام ایک اسلامی نظام، عالمی سلامتی کے قیام کا مشاہدہ کر رہے ہیں جس کی وہ خواہش رکھتے تھے۔
امیر خان متقی نے کہا کہ افغانستان تمام افغانوں کا مشترکہ گھر ہے اور ہر افغان ملک کی تعمیر نو اور افغانستان کی تعمیر و ترقی اور اسلامی نظام کی بنیادوں کے استحکام میں بلا تفریق حصہ ڈال سکتا ہے۔
ملاقات کے شرکاء نے کہا کہ بیرونی ممالک میں بسنے والی مختلف کمیونٹیز ملک کے نظام کی تبدیلی اور استحکام کی حمایت کرتی ہیں اور وہ اس بات پر زور دیتے ہیں کہ ملک میں موجودہ نظام کی حمایت کے علاوہ کوئی دوسرا آپشن نہیں ہے۔
اپنی گفتگو کے دوران انہوں نے اپنی کچھ تجاویز اور اصلاحی نظریات بھی مولوی امیر خان متقی سے شیئر کیے جس کا مقصد ملک کے نظام کی بہتری اور ترقی ہے۔
آخر میں اس طرح کی ملاقاتوں کا سلسلہ جاری رکھنے اور بیرون ملک مقیم افغانوں کے مسائل بالخصوص قونصلر ڈیپارٹمنٹ میں حل کرنے پر زور دیا گیا۔
