آی‌بیک ۸ حوت باختر
آی‌بیک-مزار و آی‌بیک پلخمری قتناو شاه یوللرینی ترمیملش ایشلری بوگون باشلنگن و اوچ بولیمگه دوام ایته‌دی.
سمنگان عامه منفعتلر باشلیغی مولوی محمد رحمان محمدی اوشبو لایحه نینگ آچیلیش مراسمیده شونده‌ی دیدی: بو لایحه اوچ قِسمدن عبارت؛ قیرق کیلومترلیک یوللرنی ترمیملش و قاپلش، قتناو شاه یولی نینگ ایکّی تامانیگه ۳۶ متر بلندلیکده‌گی یوقاری توناژلی بیتون یاتقیزیش، سکسان بیر متر اوزونلیکده‌گی حضرت سلطان کوپریگینی قَیته تیکلشنی اوز ایچیگه آله‌دی.
عامه منفعتلر وزیرلیگی اوشبو لایحه اوچون ۳۰ میلیون افغان صرفله‌یدی.
او یقین اوچ آی ایچیده یکونلنیشی کیره‌کلیگینی ایتدی.
اوشبو لایحه نینگ آچیلیش مراسمیده سمنگان ولایتی حاکمی اورین‌باسری ملا داد خدا «خادم» شونده‌ی دیدی: «اسلام امیرلیگی خلق فراوانلیگینی تأمینلش اوچون ترقیات لایحه‌لرینی عملگه آشیریشگه حرکت قیلماقده.
