سرپل ۸ ثور باختر
سرپلده «اله چه تون» قول تیکووچیلیک صنعتی قولش خوفی آستیده.
سرپل مرکزیدهگی بلغلی قیشلاغیده اوچ یوز ییل بولگن بو مخصوص چپن ایپک و پخته ایپلری بیلن توقیلهدی.
بو کهنه صنعت نینگ بیر قنچه عالِملری، معرفتپرورلری و توقووچیلری اسلام امیرلیگیدن یاردم سورب، بو ساحه هنرمندلرینی قوللب-قوّتلاوچی مؤسسهلردن قوللب-قوّتلشنی سوردیلر.
امینالله خان «اله چه تون» توقووچی عایلهلردن بیری بولیب، «بو ساحهده بیرته-ایکّیته دستگاه قالدی، بو ساحهگه اعتبار بیریلمسه، هلاکتگه اوچرهشی ممکن»، دییدی.
بو حدودده استقامت قیلووچی دینی علمالردن بیری مولوی نعمتالله حنفی «اوشه پیتده افغانستانگه هیچ بیر چیت دولتدن واردات تاوهرلری بولمهگنیده هنرمندچیلیکدن فایدهلنیلگن.
سرپل مدنیت پیشوالریدن بیری، شو حدودده استقامت قیلووچی عنایتالله محبوبی «اسلام امیرلیگی متصدیلریدن التماسیمیز شوکی، بو هنرمندچیلیکنی ایشلب چیقرووچیلر اوچون اسباب-اسکونهلر تیارلب، اولرنی هر تامانلهمه قوللب-قوّتلهسینلر»، دیدی.
عینِ پیتده سرپل نینگ محلی متصدیلری مارکتینگ و بو ایسکی صنعتنی سقلب قالیش فایده کیلتیریشیگه ایشانتیرماقده.
سرپل صنعت و تجارت باشقرمهسی نینگ باشلیغی مفتی عبدالشاکر شهاب باختر آژانسیگه شوندهی دیدی: بیز «اله چه تون» بیلن باغلیق حالده هنرمندچیلیک بیلن شغللنووچی مؤسسهلر بیلن صحبتلشیب، سرپلده بو ساحه بازاری گُللب-یهشنهشی اوچون باشقه طلبهلرگه هم اورگهتهمیز و باشقه ولایتلرده هم بو صنعت نینگ یوکسهلتیریلیشی اوچون کورهشه میز دیدی.
سرپل اخبارات و مدنیت باشقرمهسی نینگ باشلیغی ملا عبدالغفار حقنما شوندهی دیدی: «اله چه تون» چپن متاعسی اوچ یوز ییل دوامیده سرپل خلقی نینگ مدنیتی، صنعتی و محنتیگه ایلنگن، بونی قوللب-قوّتلش کیرهک دیب تأکیدلهدی.