کابل ۸ ثور باختر
بوگون کابل شهریده اوچته یول قوریلیشی باشلندی.
باش وزیرلیک اداره‌سی مطبوعات خدمتی اخبارات نامه‌سیده شونده‌ی یازدی: باش وزیرلیک اداره‌سی نینگ اقتصادی بوییچه اورین‌باسری ملا عبدالغنی برادر آخوند بوگون کابل بلدیه سی نینگ اولکن لایحه‌سینی آچدی.
اوشبو لایحه‌لر نینگ آچیلیش مراسمیده باش وزیرلیک اداره‌سی نینگ اقتصادی بوییچه اورین‌باسری ملا عبدالغنی برادر آخوند کابل بلدیه سی متصدیلری نینگ سعی-حرکتلرینی یوقاری بهاله‌دی و کابل بلدیه سی متصدیلری شهر ترتیبینی تأمینلش اوچون کتّه کوچ صرفله‌یاتگنینی ایتدی و فقرالردن جماعت منفعتی یولیده‌گی لایحه‌لرنی تأمینلشده حکومت بیلن همکارلیک قیلیشنی سوردی.
باش وزیرلیک اداره‌سی نینگ اقتصادی اورین‌باسری، شونینگدیک، کابل شهر حاکملیگی متصدیلریگه اوشبو لایحه‌لرنی اوز وقتیده و صفتلی یکونلش بوییچه توصیه‌لر بیردی.
بو لایحه‌لر آره‌سیده کابل بلدیه سی نینگ بودجه حسابیدن ۹۴۶ میلیون افغانی مبلغ عوضیگه قوریله‌دیگن کوتل خیرخانه سرکی نینگ ایکّینچی قسمی، شهید چارراهه‌سی نینگ بیرینچی قسمی تا قصبه گه قدر و هواقونالغه سرکی تا باجخانه چارراهه‌سیگچه کیرا‌دی.
عینِ پیتده، ۳۶۴ میلیون افغان خرجتی بیلن ۲۵۲۰ متر اوزونلیکده‌گی و ۶۰ متر کینگلیکده‌گی کوتل خیرخانه سرکی نینگ ایکّینچی قسمی قوریلیشی ۲۰ آیده یکونلنیب، فایده‌لنیشگه تاپشیریله‌دی.
خودّی شونده‌ی، اوزونلیگی ۱۸۹۰ متر و اینی ۴۵ متر بولگن شهید چارراهه‌سی تا قصبه گه قدر تورت تامانله‌مه یول لایحه‌سی بیر ییل ایچیده نهایه‌سیگه ییتکزیله‌دی، عمومی قیمتی ۱۷۵ میلیون افغانی.
شونینگدیک، اوزونلیگی ۲۷۹۴ متر، اینی ۶۰ متر بولگن، ۴۰۷ میلیون افغانی قیمتیگه تینگ بولگن هواقونالغه چارراهه‌سیدن تا باجخانه‌گچه بولگن تورت تامانله‌مه یول قوریلیشی هم ۲۰ آی مدتده معیار درجه‌سیده قوریله‌دی.
