کابل(بی این اے) سرکاری محکموں کے درمیان فرائض کے تنازعات ختم کرنے کے لیے نائب وزیر اعظم برائے انتظامی امور مولوی عبدالسلام حنفی کی صدارت میں اسٹاف بورڈ کا اجلاس منعقد کیا گیا۔
یہ کمیٹی عالیقدر امیر المومنین کی جانب سے مقرر کی گئی ہے تاکہ امارت کے محکموں کے درمیان فرائض کے تنازعات کو ختم کیا جا سکے۔
ارگ سے جاری کردہ پریس ریلیز میں کہا گیا ہے کہ اس اجلاس میں امارت کے بعض محکموں کو درپیش مسائل کا جائزہ لیا گیا۔ اس کے بعد محکمہ ٹیکنیکل اینڈ ووکیشنل ایجوکیشن، نارم اینڈ اسٹینڈرڈ، نیشنل ایگزامینیشن ڈیپارٹمنٹ، محکمہ ریلوے اور میڈیکل کونسل کے فرائض میں مداخلت کو ختم کرنے کے لیے دیگر محکموں کے ساتھ بات چیت کی گئی اور ضروری فیصلے کیے گئے۔
